Avstriyada yaşayan soydaşımız “Qarabağ marşı” bəstələyib
Vyana, 12 oktyabr, AZƏRTAC
Avstriyada yaşayan gənc bəstəkar Aria Torkanbouri Ermənistanın işğalçılıq siyasətinə qarşı Vətən müharibəsində rəşadətlə döyüşərək düşmənə sarsıdıcı zərbələr vuran müzəffər Azərbaycan Ordusuna ithaf olunan “Qarabağ marşı” adlı mahnı bəstələyib.
AZƏRTAC xəbər verir ki, şair Azəryar Danışvərin sözlərinə bəstələnmiş milli-vətənpərvərlik ruhundakı əsər Azərbaycan xalqının əzəli torpaqlarına, qədim Qarabağ yurduna qovuşmaq istəyini təcəssüm etdirir.
Gənc bəstəkar bildirib ki, son həftələrdə baş verən hadisələri yaxında izləyərkən xalqımızın və ordumuzun qəlbən yanında olduğumu ifadə etmək və əsgərlərimizi yeni qələbələrə ruhlandırmaq üçün əsər bəstələmək qərarına gəlib. “Qarabağ marşı”nı Vyana Rixard Vaqner Konservatoriyasının tələbəsi Fərhad Soltani səsləndirib.
Simfonik orkestr üçün bəstələnmiş marş bu misralarla bitir:
Qarabağ Yurdumun ürəyidir,
Diləyi xalqımın diləyidir.
Ayrılarmı könül candan?
Ayrılmaz ki Azərbaycan
Qarabağdan, Qarabağdan, Qarabağdan!
“Qarabağ marşı”nı aşağıdakı link vasitəsilə dinləmək mümkündür:
https://www.youtube.com/watch?feature=youtu.be&v=z1VGrRH6BX4&app=desktop
Elgün Niftəli
AZƏRTAC-ın xüsusi müxbiri
Vyana
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir