“Qarabağ bizimdir, Qarabağ Azərbaycandır!” adlı virtual sərgi təqdim edilib
Bakı, 12 oktyabr, AZƏRTAC
F.Köçərli adına Respublika Uşaq Kitabxanası vətənpərvərlik mövzusunda “Qarabağ bizimdir, Qarabağ Azərbaycandır!” adlı virtual sərgi təqdim edib.
AZƏRTAC xəbər verir ki, sərginin təşkilində məqsəd ordumuza mənəvi dəstək olmaqla vətənpərvərlik hisslərini uşaq və yeniyetmələr arasında gücləndirmək, kitabxananın fondunda olan hərb və vətənpərvərlik mövzusunda resurslarla virtual oxucuları tanış etməkdən ibarətdir.
Mövzu çərçivəsində kitabxananın əməkdaşları haqq yolunda inamla irəliləyən Ali Baş Komandan İlham Əliyevin güclü siyasətindən, Cənubi Qafqazın ən güclü ordusu hesab edilən şanlı Azərbaycan ordusundan və ümumilikdə Azərbaycan xalqının vətənpərvərliyindən ətraflı məlumat veriblər.
Videoçarxda virtual oxucular üçün kitabxananın fondunda olan vətənpərvərlik mövzusunda yazılmış kitablar da təqdim edilib.
Qeyd edək ki, Respublika Uşaq Kitabxanasının hazırladığı virtual sərgi kitabxananın “Facebook”, “Instagram”, “Twitter” sosial şəbəkələri, “YouTube” və kitabxananın internet ünvanı http://clb.az/ vasitəsilə təqdim edilir.
Sərgiyə https://www.youtube.com/watch?v=DePBbSZaXBs link vasitəsilə baxmaq olar.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir