Azərbaycan Turizm və Menecment Universitetindən ordumuza dəstək
Bakı, 12 oktyabr, AZƏRTAC
Azərbaycan Turizm və Menecment Universiteti Ermənistan silahlı qüvvələri tərəfindən işğal olunan tarixi ərazimiz Dağlıq Qarabağ bölgəsində sentyabrın 27-si səhər saatlarından törədilən genişmiqyaslı təxribata cavab olaraq ordumuzun apardığı əks-hücum əməliyyatlarını alqışlayır. Həmçinin inanır ki, tezliklə şanlı Azərbaycan Ordusu Dağlıq Qarabağ və digər işğal olunmuş torpaqlarımızı düşməndən azad edəcək. Silahlı Qüvvələrimizə dəstək məqsədilə universitetin kollektivinin şəxsi təşəbbüsü ilə müvafiq ordu qərargahına müxtəlif çeşiddə zəruri geyim və müxtəlif ləvazimatlar təqdim olunub.
Bu barədə AZƏRTAC-a universitetdən məlumat verilib. Bildirilib ki, hədiyyə paketlərinə akademik, inzibati heyət və tələbələr tərəfindən ürək sözləri yazılmış “əsgərə məktub”lar da əlavə edilərək cəbhə bölgəsinə göndərilib.
Universitetin tələbə-müəllim heyəti, Azərbaycan Silahlı Qüvvələrinin keçirdiyi əks-hücum əməliyyatlarını dəstəkləyir və Prezident, Ali Baş Komandan İlham Əliyevin ətrafında sıx birləşərək müqəddəs Vətən müharibəsində iştiraka hazırdır. Ali Baş Komandan İlham Əliyevin dediyi kimi: “Azərbaycan xalqına eşq olsun! Qarabağ Azərbaycandır!”.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır