Neftçalada bağlardan 261 tondan çox nar yığılıb
Neftçala, 8 oktyabr, Mahir Babayev, AZƏRTAC
Neftçalanın meyvə bağlarında məhsul tədarükünə başlanılıb. Ötən il çoxillik meyvə bağlarından 2358.2 ton məhsul tədarük edən bağbanlar cari ildə də bağlardan bol məhsul götürmək üçün meyvə ağaclarına nümunəvi qulluq göstərmiş, qurumuş, məhsuldarlığı aşağı olan ağaclar yeni tinglərlə əvəz olunmuşdur. Bunun nəticəsində də bağlarda məhsul bol olub.
Rayon statistika idarəsinin rəisi Şahin Mənəfov AZƏRTAC-ın bölgə müxbirinə bildirib ki, ilin ötən ayları ərzində neftçalalı bağbanlar indiyədək bağlardan 1127.5 ton məhsul götürüblər. Yığılan məhsulun 118.1 tonunu alma, 46.8 tonunu armud, 57.9 tonunu ərik, 11.4 tonunu albalı, 26.8 tonunu şaftalı, 230.1 tonunu gavalı, 166.8 tonunu alça, 26.6 tonunu gilas, 261.8 tonunu nar, 16.6 tonunu fındıq, 72.2 tonunu heyva və 92.4 tonunu isə sair meyvələr təşkil edir.
Qeyd edək ki, hazırda Neftçalada 595.8 hektar meyvə bağı vardır ki, bunun da 96 faizdən çoxu bar verəndir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb