Kürdəmirdə pambıq yığımı davam edir
Kürdəmir, 6 oktyabr, AZƏRTAC
Kürdəmir rayonunda “ağ qızıl” toplanışı davam edir və indiyədək sahələrdən 1068,9 ton məhsul yığılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilib ki, cari mövsümdə 1997,5 hektar sahədə pambıq yetişdirilib. Məhsulun 80 faizdən çoxunun maşınlarla yığılması nəzərdə tutulub. Hazırda hər gün sahələrə 12 pambıqyığan kombayn çıxarılır. İndiyədək məhsulun 783,8 tonu məhz texnikanın qüvvəsi ilə yığılıb.
Rayonda pambığın son qozasınadək itkisiz yığılması üçün bütün qüvvələr səfərbər edilib. Hər gün əl ilə yığıma 250 nəfərdən çox işçi qüvvəsi çıxır. Əksər ərazilərdə, xüsusilə Muradxan, Carlı, Mollakənd, Köhünlü, Sor-Sor, Şilyan və bir sıra digər ərazi dairələrində məhsul toplanışı daha sürətlə və mütəşəkkil davam edir. Pambıqçılar hər hektardan 23-25 sentner məhsul götürmək əzmindədirlər.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb