“Azərbaycanın Olimpiya Odisseyası” layihəsi çərçivəsində növbəti onlayn görüş keçirilib
Bakı, 26 sentyabr, AZƏRTAC
“Azərbaycanın Olimpiya Odisseyası” layihəsi çərçivəsində növbəti onlayn görüş keçirilib.
AZƏRTAC xəbər verir ki, tədbirdə ikiqat Olimpiya mükafatçısı, dünya çempionu, Avropa Oyunlarının 2 qat qızıl mükafatçısı və “Tərəqqi” medallı Rövşən Bayramovun idman ictimaiyyətinin nümayəndələri, gənclər və könüllülərlə görüşü olub.
Rövşən Bayramov güləşin çətinlikləri, çempionatlarda üzləşdiyi problemlər, onların həlli yolları, eləcə də qazandığı nailiyyətlər və qarşıdakı hədəflərdən bəhs edib. O, iştirak etdiyi idman yarışlarında rəqiblərin hazırlığı və onların yığmamızın üzvləri ilə müqayisəsinə də toxunub.
Daha sonra Rövşən Bayramov sualları cavablandırıb, gənclərə tövsiyələrini verib.
Tədbir “Könüllülər ili” çərçivəsində Gənclər və İdman Nazirliyi, Milli Olimpiya Komitəsi, Azərbaycan Məktəb İdmanları Federasiyası, “Azərbaycan İdman Könüllüləri” və “Azərbaycan İdmançıları” İctimai birliklərinin təşkilatçılığı ilə reallaşıb.
Superliqa: "Beşiktaş" doğma meydanda qalib gəlib
Azərbaycan parabadmintonçusu beynəlxalq turnirdə yarımfinala yüksəlib
Bakıda bədii gimnastika üzrə Dünya Kubokunun açılış mərasimi olub
Premyer Liqa: “Sumqayıt” Tovuzda vacib üç xalı qazanıb
FHN-nin qurumları arasında stolüstü tennis üzrə çempionata yekun vurulub