Bakı, 24 sentyabr, AZƏRTAC

Baş Prokurorluq bəzi kütləvi informasiya vasitələrində Xətai rayonunun sabiq prokuroru Yusif İldırımzadənin qaynının guya qəsdən öldürülməsi ilə bağlı yayılan məlumatlara münasibət bildirib.
Bununla bağlı Baş Prokurorluğun mətbuat xidmətindən AZƏRTAC-a verilən məlumatda qeyd olunub: “Tərəfimizdən həmin məlumatlar təkzib olunaraq bildirilir ki, həmin informasiya həqiqəti əks etdirmir. İstintaqın gedişi və nəticəsi barədə ətraflı məlumatın verilməsi təmin olunacaq. Kütləvi informasiya vasitələrindən dəqiqləşdirilməmiş məlumatların yayılmaması xahiş edilir”.