Bakı, 23 sentyabr, AZƏRTAC

Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli və mərkəzin “Zəlzələ ocaqlarının dinamikası” şöbəsinin müdiri, geologiya-mineralogiya üzrə fəlsəfə doktoru, dosent Səbinə Kazımovanın Rusiya Elmlər Akademiyası Federal Tədqiqatlar Mərkəzinin Geofizika Xidmətinin “Российский сейсмологический журнал” (Том 2, № 3, 2020) elmi dərgisində birgə həmmüəlliflikləri ilə “Первые результаты оценки глубины поверхности Мохо методом обменных Ps-волн для Азербайджанской части Большого Кавказа” məqaləsi çap edilib.
Mərkəzin informasiya şöbəsindən AZƏRTAC-a bildiriblər ki, məqalədə “Qafqaz kəsilişi” layihəsi çərçivəsində Böyük Qafqazın Azərbaycan hissəsində Yer səthi ilə Moxoroviçiç sərhədinin müəyyən edilməsi ilə bağlı tətbiq edilən yeni metodlar əsasında alınmış nəticələrdən bəhs olunur.