HP şirkəti müəyyən detalları emal edilmiş zibildən düzəldilən notbukların satışına başlayır
Bakı, 23 sentyabr, AZƏRTAC
HP şirkəti Intel 11-ci nəsil prosessoru olan “Pavilion” seriyasından yeni notbukların satışına başladığını bildirib. Onların hazırlanmasında okean zibilinin emalı əsasında istehsal edilmiş polimerdən istifadə olunub.
AZƏRTAC RİA Novosti saytına istinadla xəbər verir ki, yeni notbukun audiosistem korpusu emal edilmiş zibildən düzəldilib. “Pavilion”un öz korpusu isə metaldandır. Notbuk 13, 14, 15 və ya 17 düym ölçüsündə diaqonala malikdir. HD ekranlı “Pavilion 14”ün qiyməti 580 dollar, top versiyaları 1000 dollardan baha olacaq. Notbukların satışına oktyabr ayından başlanılacaq.
Qeyd edək ki, okean sularındakı plastik zibil qlobal problemə çevrilib. Problemin həlli üçün plastik zibil emal edilməli və ikinci xammala çevrilməlidir. Bu baxımdan HP şirkətinin istehsal etdiyi yeni notbuklar müvafiq istiqamətdə nümunədir.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib