Pekində “5G” istifadəçilərinin sayı 5 milyonu ötüb
Pekin, 22 sentyabr, AZƏRTAC
Çinin paytaxtında 5-ci nəsil (“5G”) mobil rabitə şəbəkəsi istifadəçilərinin sayı 5 milyonu keçib.
AZƏRTAC xəbər verir ki, bu barədə Pekin şəhər hökumətinin kommunikasiya administrasiyası məlumat yayıb. Çində “5G” xidmətləri təklif edən “China Mobile”, “China Unicom” və “China Telecom” operatorları ötən ilin payızından bəri Pekində “5G” şəbəkəsi üçün 44 min baza stansiyası quraşdırıb. İlin sonunadək bu rəqəmin 50 mini ötməsi proqnozlaşdırılır.
Qeyd edək ki, bir müddət əvvəl Çinin Sənaye və İnformasiya Texnologiyaları Nazirliyi ilin sonunadək ölkədə “5G” şəbəkəsi üzrə 600 mindən çox baza stansiyasının quraşdırılacağını açıqlayıb. Bu plan yerinə yetiriləcəyi təqdirdə Çində prefekturadan yuxarı səviyyədəki bütün şəhərlər “5G” şəbəkəsi ilə əhatə olunacaq. İlin sonunadək “5G” şəbəkəsini dəstəkləyən 180 milyon smartfonun satılacağı nəzərdə tutulur.
Koronavirus böhranı yanvar-fevral aylarında ölkədə “5G” şəbəkəsi üzrə quraşdırma işlərinə mənfi təsir göstərsə də, mobil rabitə operatorları, habelə sənaye, nəqliyyat, tibb sahələrini əhatə edən şirkətlər işlərin cədvəl üzrə planlaşdırılan qaydada getməsi üçün səylərini artırıb.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır