Pulların leqallaşdırılması və terrorçuluğun maliyyələşdirilməsinə qarşı mübarizə üzrə onlayn təlim başlayıb
Bakı, 22 sentyabr, AZƏRTAC
Maliyyə Monitorinqi Xidməti (MMX) Lüksemburq Böyük Hersoqluğunun Təlim Mərkəzi (ATTF) ilə birlikdə sentyabrın 21-28-ni əhatə edən “Pulların leqallaşdırılması və terrorçuluğun maliyyələşdirilməsinə qarşı mübarizə” (PL/TMM) üzrə videokonfrans formatında təlimə başlayıb.
MMX-dan AZƏRTAC-a bildirilib ki, təlimin məqsədi PL/TMM əsaslarını öyrənmək, onun riskini azaltmaq üçün beynəlxalq təşkilatlar haqqında məlumatlılığın artırılması, müştərilərin sadələşdirilmiş və gücləndirilmiş identifikasiya və verifikasiya sisteminin məzmununun başa düşülməsini təmin etməkdir. PL/TMM üzrə ekspert Enrike Dominqez tərəfindən aparılan təlimdə Maliyyə Monitorinqi Xidməti, Azərbaycan Mərkəzi Bankı, digər nəzarət orqanları, habelə ölkədə fəaliyyət göstərən kommersiya bankları və maliyyə qurumlarının əməkdaşları ilə birlikdə 22 nəfər iştirak edir.
Qeyd edək ki, 1990-cı ildən fəaliyyət göstərən ATTF beynəlxalq səviyyədə bank, maliyyə bazarları və digər sahəvi sektorlara aid seminarların təşkili üzrə zəngin təcrübəyə malikdir.
Aksiz markası ilə bağlı qanun pozuntusuna görə maliyyə sanksiyası tətbiq olunurmu?
Dövlət Vergi Xidməti: Elektron xidmət təkmilləşdirilib
Dövlət xətti ilə 3886 mənzil kirayə verilib
İpoteka və Kredit Zəmanət Fondunun xətti ilə 46 min 258 ipoteka krediti verilib
Dövlət Vergi Xidməti: Elektron xidməti üzrə istifadəçi təlimatları hazırlanıb