Neftçalada bostan məhsullarının yığımı başa çatıb – məhsuldarlıq ötənilkindən çox olub
Neftçala, 19 sentyabr, Mahir Babayev, AZƏRTAC
Neftçalada bostan məhsullarının yığımı başa çatıb. Məhsul istehsalçıları əkdikləri 185,7 hektar bostan sahəsindən 7 min 523 ton məhsul toplayıblar. Hər hektarın məhsuldarlığı 405,1 sentner olub ki, bu da ötən ilin eyni dövrü ilə müqayisədə 43,6 sentner çoxdur.
Rayon statistika idarəsinin rəisi Şahin Mənəfov AZƏRTAC-ın bölgə müxbirinə bildirib ki, Neftçalada 147 hektar sahədə qarpız, 38,7 hektarda isə yemiş əkilmişdi. Torpaq mülkiyyətçiləri əkdikləri sahələrə aqrotexniki qaydada qulluq etdiklərindən plantasiyalarda gözlənildiyindən də çox məhsul yetişib. Artıq fermerlər becərdikləri qarpız sahəsindən 7 min 153 ton qarpız, 370 ton yemiş toplayaraq yığımı başa çatdırıblar.
Tədarük olunan məhsul əsasən Bakı, Sumqayıt və digər iri şəhərlərin bazarlarına göndərilir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb