Bakı, 19 sentyabr, AZƏRTAC

Dövlət İmtahan Mərkəzi (DİM) təsviri sənət istiqaməti üzrə abituriyentlərin (subbakalavrların) qabiliyyət imtahanı zamanı yerinə yetirdikləri tapşırıqların fotosurətlərini təqdim edib. Tapşırıqların fotosurətləri Mərkəzin saytında yerləşdirilib.
DİM-dən AZƏRTAC-a bildirilib ki, abituriyentlər (subbakalavrlar) tapşırıqları rəngkarlıq, qrafika, heykəltəraşlıq, dizayn və dekorativ sənət komissiyaları üzrə rəsm, rəngkarlıq və yapma fənlərindən yerinə yetiriblər.
Fəndən asılı olaraq tapşırıqları işləmək üçün abituriyentlərə (subbakalavrlara) 6 və ya 8 akademik saat vaxt verilib.