Biləsuvar, 19 sentyabr, Mahir Babayev, AZƏRTAC

Biləsuvar Rayon İcra Hakimiyyətinin təşəbbüsü ilə “Şəhərimizi təmiz saxlayaq” devizi ilə keçirilən aksiyaya start verilib.
AZƏRTAC-ın bölgə müxbiri xəbər verir ki, aksiya çərçivəsində rayonda fəaliyyət göstərən könüllü gənclər Biləsuvar şəhərinin təmiz saxlanılması ilə bağlı əhali arasında maarifləndirmə işləri apararaq bu sahədə görülən işlərlə əlaqədar sakinlərə bildirişlər paylayıblar.
Gənc könüllülər, həmçinin yüzlərlə sakinin evinə gedərək onlara aksiya barədə ətraflı məlumat veriblər.
Aksiya rayonda mütəmadi olaraq davam etdiriləcək.