Bakı, 16 sentyabr, AZƏRTAC 

Azərbaycan Dövlət Rəssamlıq Akademiyasının nəzdində İncəsənət Kollecinə qəbul olunanların qeydiyyatı zamanı lazım olan sənədlərin siyahısı açıqlanıb.
Akademiyadan AZƏRTAC-a bildirilib ki, sənədlərin siyahısına attestatın əsli və 3 ədəd surəti, 3x4 ölçüdə 6 ədəd şəkil, yaşayış yerindən arayış, tibbi arayış, şəxsiyyət vəsiqəsinin əsli və 3 ədəd surəti, abituriyentin elektron ərizəsi, qovluq daxildir.
Rayon yerlərində yaşayanlar onlayn olaraq [email protected] email ünvanına həmin sənədləri kollecə qeydiyyata gəlmədən skan edərək göndərə bilərlər. 9 (illik) orta təhsil bazasından kollecə qeydiyyat sentyabrın 16-dan 25-dək keçiriləcək.
Əlavə məlumatı kollecin (012)567 64 18 əlaqə nömrəsindən əldə etmək olar.