Həbib Nurməhəmmədov 2021-ci ilin yazında Jorj Sen-Pyer ilə döyüşmək istədiyini bildirib
Bakı, 14 avqust, AZƏRTAC
Mütləq Döyüş Çempionatının (UFC) yüngül çəkidə çempionu Həbib Nurməhəmmədov 2021-ci ilin yazında kanadalı idmançı Jorj Sen-Pyer ilə döyüşmək istədiyini bildirib.
AZƏRTAC TASS informasiya agentliyinə istinadla xəbər verir ki, bu barədə idmançı mətbuat konfransında məlumat verib. H.Nurməhəmmədov qeyd edib ki, Jorj Sen-Pyer ilə döyüşmək onun və mərhum atasının arzusu olub. O, amerikalı Castin Getji ilə oktyabrın 24-də baş tutacaq qarşılaşmadan qalib ayrılacağı təqdirdə, apreldə kanadalı rəqibi ilə döyüşə biləcəyini vurğulayıb.
H.Nurməhəmmədov sonuncu döyüşünü 2019-cu ilin sentyabrında amerikalı Dastin Poryeyə qarşı keçirib və titulunu qoruyub. Otuz bir yaşlı idmançı keçirdiyi 28 döyüşün hamısında qalib gəlib.
Jorj Sen-Pyer isə karyerası ərzində 28 döyüş keçirib, onlardan 26-da qalib gəlib.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir