Azərbaycan Dövlət
İnformasiya Agentliyi

A
A
A
Sazlamalar

GUAM ölkələrinin ABŞ-dakı səfirləri əməkdaşlıq məsələlərini müzakirə ediblər

Vaşinqton, 14 avqust, AZƏRTAC 

Avqustun 13-də Azərbaycanın ABŞ-dakı səfiri Elin Süleymanovun, Gürcüstanın, Moldovanın və Ukraynanın bu ölkədəki səfirləri David Bakradze, Eugen Karas və Volodimir Yelçenkonun iştirakı ilə vebinar təşkil olunub.
Tədbirdə iştirakçılar GUAM ölkələrinin ABŞ-dakı səfirlikləri arasında əməkdaşlığın hazırkı səviyyəsi barədə müzakirələr aparıb, ümumi maraqlar əsasında gələcək birgə təşəbbüslər barədə qərar qəbul ediblər. Səfirlər ABŞ-la birgə regional əməkdaşlıq imkanlarının təşviqi və tərəfdaşlığın gücləndirilməsi məqsədilə işçi səviyyədə məsləhətləşmələr də daxil olmaqla, onlayn formatda müzakirələrin davam etdirilməsinin əhəmiyyətini vurğulayıblar.

 

AZƏRTAC-ın Vaşinqton bürosu

Siyasət 2020-08-14 12:40:00