Astarada kənd təsərrüfatı bitkilərinin yığımı davam edir
Astara, 14 avqust, Bağır Əliyev, AZƏRTAC
Astara rayonunun təsərrüfatlarında kartof, tərəvəz, meyvə və bostan məhsullarının yığımı davam edir. Avqustun 1-dək məhsul istehsalçıları kartof əkilmiş 1034 hektar sahənin 976 hektarının məhsulunu yığaraq, 7667,6 ton məhsul götürüblər. Hər hektardan orta məhsuldarlıq 78,5 sentner olub.
Bu barədə Astara Rayon Statistika İdarəsinin rəisi Vasif Həsənov AZƏRTAC-ın bölgə müxbirinə məlumat verib.
Bildirilib ki, indiyədək tərəvəz əkilmiş 2037,1 hektar sahənin 1512,3 hektarının məhsulu yığılıb, 16672,5 ton tərəvəz məhsulları istehsal edilib. Hər hektardan götürülən məhsuldarlıq ötən ilin müvafiq dövrü ilə müqayisədə 1,2 sentner artıb.
Bu dövrdə rayonda, həmçinin 2802,2 ton bostan məhsulları, 472,1 ton meyvə, 393,3 ton yaşıl çay yarpağı istehsal olunub.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb