Bakı, 11 avqust, AZƏRTAC
UEFA Avropa Liqasında asan rəqib yoxdur. Ona görə də qarşıdakı oyuna çox ciddi hazırlaşmalıyıq.
AZƏRTAC xəbər verir ki, bunu “Keşlə” klubunun baş məşqçisi Zaur İsmayılov UEFA Avropa Liqasının birinci təsnifat mərhələsinin püşkatmadan sonrakı vəziyyətini dəyərləndirərkən deyib.
Mütəxəssis bildirib: “Artıq “Laçi” komandasının oyunlarını təhlil etməyə başlamışıq. Bilirik ki, çox güclü futbolçulara malik kollektivdir. Rəqib komanda bütün xətlərdə güclü oyunçulara malikdir”.
Xatırladaq ki, püşkün nəticəsinə əsasən “Keşlə” Albaniyanın “Laçi” komandası ilə qarşılaşacaq.