Diasporla İş üzrə Dövlət Komitəsinin binasında biodezinfeksiya keçidi quraşdırılıb
Bakı, 11 avqust, AZƏRTAC
Artıq bir neçə gündür ki, Diasporla İş üzrə Dövlət Komitəsinin binasının giriş qapısında biodezinfeksiya keçidi quraşdırılıb.
Bu barədə AZƏRTAC-a Komitənin mətbuat xidmətindən məlumat verilib.
Məqsəd COVID-19 pandemiyasının davam etdiyi bir şəraitdə insanların sağlamlığını daha effektiv qorumaqdır. Binaya daxil olan hər kəsin keçiddən keçərkən temperaturu müəyyən olunur və mikrodamçı ilə dezinfeksiya edilir.
Bu proses keçiddən keçən insanların öz üzərində virus daşıma ehtimalını minimuma endirir.
Mütəxəssislər bildirir ki, dezinfeksiya məhsulu sağlamlıq üçün zərərsizdir.
Qeyd edək ki, pandemiya başlayandan bu günə qədər Komitənin binası mütəmadi olaraq dezinfeksiya edilir, işə gələn əməkdaşların maska taxması, temperaturunun ölçülməsi və sosial məsafənin saxlanması kimi qaydalara ciddi əməl olunur.
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub