“Baktelecom” Biləcəri sakinlərinə səyyar xidmət göstərib
Bakı, 11 avqust, AZƏRTAC
Nəqliyyat, Rabitə və Yüksək Texnologiyalar Nazirliyinin tabeliyindəki “Bakı Telefon Rabitəsi” MMC (Baktelecom) tərəfindən Biləcəri qəsəbəsi sakinlərinə yerində xidmət göstərilməsi üçün səyyar vətəndaş qəbulu təşkil olunub.
Nazirlikdən AZƏRTAC-a bildirilib ki, xüsusi karantin rejimində vətəndaşlar qəsəbədə yeni qurulmuş optik rabitə xidmətlərinə məsafə qət etmədən qoşulmaq üçün müraciət imkanı əldə ediblər.
“Baktelecom”un səyyar komandası “Evədək optika” xidmətinin üstünlükləri, genişzolaqlı multimedia xidmətləri və sərfəli tarif paketləri haqqında sorğuları cavablandırıb. Vətəndaşlara bir optik xətt üzərindən telefon, internet və televiziya xidmətlərindən istifadə imkanı barədə məlumat verilib.
Qeyd edək ki, bundan öncə “Evədək optika” layihəsi “Baktelecom” tərəfindən köhnə və yeni yaşayış binalarında tətbiq edilirdi. Artıq fərdi yaşayış evlərinin də optik xətlərlə təchiz olunması prosesinə başlanıb. Sakinlərin genişzolaqlı telekommunikasiya xidmətlərinə qoşulmasına imkan yaradılır.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb