Portuqaliyada pensiya yaşında olan tibbi heyət yenidən işə qəbul edilir
Lissabon, 7 avqust, AZƏRTAC
Portuqaliyanın Səhiyyə Xidməti koronavirus pandemiyasının öhdəsindən gəlməyə kömək etməyə hazır olan mütəxəssisləri gözləyir.
AZƏRTAC xəbər verir ki, Portuqaliya Prezidenti Marselu Rebelu di Soza əvvəllər pensiyaya çıxan tibbi heyətin işə qəbulu üçün müstəsna rejimin uzadılmasını bəyənib. Həkimlər 2021-ci ilin sonunadək Milli Səhiyyə Xidməti müəssisələrinə qayıda bilərlər.
Bu tədbirdən məqsəd Portuqaliya səhiyyəsini COVID-19 pandemiyası şəraitində tibbi yardım göstərilməsi üçün zəruri olan ixtisaslaşdırılmış resurslarla təmin etməkdir.
Dövlət xəstəxanalarında və klinikalarda tibbi yardıma yüksək tələbatın olduğu şəraitdə öz vəzifələrini yerinə yetirməyi bacaran yeni kadrlar çatışmır. Buna görə də onların yerləri pensiyaçılara təklif olunur.
Nigar Cəfərli
AZƏRTAC-ın xüsusi müxbiri
Lissabon
Gürcüstan və AİB arasında əməkdaşlığın perspektivləri müzakirə edilib
Tbilisidə mitinqlər zamanı beş polis əməkdaşı yaralanıb
İranın Parisdəki konsulluğuna girən şübhəli şəxs saxlanılıb
Gürcüstanın müdafiə naziri ABŞ generalı ilə görüşüb
Türkiyə və İranın xarici işlər nazirləri regiondakı son vəziyyəti müzakirə ediblər