Litvada maska taxmaqdan imtina edənlər həbs oluna bilərlər
Vilnüs, 6 avqust, AZƏRTAC
Litvanın Milli İctimai Səhiyyə Mərkəzinin Vilnüs departamentinin rəhbəri Rolanda Linqene maskaların düzgün qaydada taxılmamasının vəziyyətin daha da pisləşməsinə səbəb olacağını vurğulayıb.
AZƏRTAC xəbər verir ki, o, indi qapalı məkanlarda maska taxmağın məcburi olduğunu xatırladıb: “Bəzən heç maska taxmamaq yanlış maska taxmaqdan yaxşıdır. Başqa sözlə, o zaman daha az zərər olar. Maskanı çənənin altına keçirmək və ya burunu maska ilə örtməmək olmaz. Bu, müdafiə baxımından faydasızdır”.
İctimai Polis İdarəsinin nümayəndəsi Audryus Çyupala bildirib ki, ticarət mərkəzinə gələn müştəri maska taxmaqdan imtina edərsə, bəzi hallarda mühafizəçinin mövcud qaydalara uyğun olaraq onu həbs edə bilər. Ticarət mərkəzlərinin mühafizəçiləri bu məkanlara cavabdehdirlər və onlar vətəndaşlara mövcud qaydaları xatırladırlar.
Asiman Əsədov
AZƏRTAC-ın xüsusi müxbiri
Vilnüs
Türkiyə gələn il Somalidə neft kəşfiyyatına başlamağı planlaşdırır
Netflix” bu il daha 9,3 milyon abunəçi qazanıb
“Apple” Çində “WhatsApp” və “Threads” proqramlarını “App Store”dən çıxarıb
ÜST quş qripi ilə bağlı həyəcan təbili çalır
“Science” jurnalı: Çinin iri şəhərlərinin təxminən yarısı çökür