Rumıniyada koronavirusa yoluxanların sayı artmaqda davam edir
Buxarest, 6 avqust, AZƏRTAC
Rumıniyada koronavirusa yoluxanların sayı artaraq 56 min 550-yə çatıb. Virusa yoluxmuş 28 min 584 nəfər sağalıb.
AZƏRTAC Rumıniya Səhiyyə Nazirliyinə istinadən xəbər verir ki, son 24 saat ərzində 1309 yeni yoluxma qeydə alınıb. Koronavirusdan ölənlərin sayı isə 2521-ə çatıb.
Qeyd edək ki, ölkədə COVID-19-la bağlı vəziyyətin gündən- günə kəskinləşməsinə baxmayaraq hələ də çimərliklər, ticarət mərkəzləri, restoranlar fəaliyyət göstərir. Eyni zamanda, qonşu ölkələrdə Bolqarıstanda və Yunanıstanda istirahət edən, Almaniya və İtaliyada yaşayan rumınlar arasında xəstələnənlərin sayının artırması müşahidə olunur. Rumıniya hökuməti vətəndaşları sanitar normalara riayət etməyə çağırır və əlavə tədbirlər üzərində işləyir.
İqbal Hacıyev
AZƏRTAC-ın xüsusi müxbiri
Buxarest
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır