“Fulhem” İngiltərə Premyer Liqasına yüksəlib
Bakı, 5 avqust, AZƏRTAC
İngiltərə Premyer Liqasına yüksəlmək uğrunda pley-offun finalı keçirilib. Həlledici görüşdə “Brentford”la “Fulhem” qarşılaşıb.
AZƏRTAC xəbər verir ki, gərgin idman mübarizəsi şəraitində keçən oyunun ilk hissəsində hesab açılmayıb. Fasilədən sonra da komandalar qapılarını toxunulmaz saxlayıblar.
Qalibi müəyyənləşdirmək üçün təyin olunan əlavə vaxtda isə 3 qol vurulub. Əvvəlcə “Fulhem”in heyətindən Co Brayan hesabı açıb. Çox keçmədən fərq artıb. İyirmi altı yaşlı müdafiəçi dubl edib. Rəqib komandanın gücü isə yalnız 1 qola çatıb. Henrik Dalsqor qapıya yol tapsa da, komandası məğlub olub. Oyunda 2:1 hesabı ilə qalib gələn “Fulhem” Premyer Liqaya vəsiqə əldə edib. Bunu bacaran digər 2 komanda isə “Lids” və “Vest Bromviç”dir.
Avropa Liqasında bütün yarımfinalçılar bəlli olub
Konfrans Liqası: "Fənərbağça" yarımfinala vəsiqə qazana bilməyib
Konfrans Liqası: Yarımfinala vəsiqə qazanan üçüncü komanda bəlli olub
Avropa Liqası: Yarımfinala vəsiqə qazanan üç komanda bəlli olub