Yevlaxda oğurluq edən şəxs tutulub
Bakı, 4 avqust, AZƏRTAC
Yevlax şəhəri ərazisindəki evlərdən müxtəlif məişət və elektrik əşyaları oğurlayan şəxs rayon polis şöbəsinin əməkdaşları tərəfindən keçirilmiş tədbirlər nəticəsində saxlanılıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, bir qrup rayon sakini onlara məxsus evlərdən oğurluq edilməsi barədə rayon polis şöbəsinə müraciət edib. Müraciət əsasında polis əməkdaşları tərəfindən keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən rayon sakini M.Nadirov saxlanılıb. Araşdırmalarla onun zərərçəkmişlərə məxsus evlərin həyətindən ümumi dəyəri 575 manat olan iki samovar və 800 manat dəyərində paltaryuyan maşın oğurladığı müəyyənləşdirilib. Oğurlanmış əşyalar maddi sübut kimi götürülüb. Dindirilmə zamanı o törətdiyi cinayət əməlini etiraf edib.
Faktla bağlı Yevlax Rayon Polis Şöbəsində araşdırmalar davam etdirilir.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO