Bakı, 13 iyul, AZƏRTAC

Ötən il Neft İxrac Edən Ölkələr Təşkilatına (OPEC) üzv olan ölkələrdən xam neft hasilatı ən çox İran və Venesuelada azalıb.
AZƏRTAC OPEC-in illik statistik bülleteninə istinadla xəbər verir ki, 2019-cu ildə İranın neft istehsalı əvvəlki ilə nisbətən 1 milyon 197 min barrel azalaraq gündəlik 2 milyon 356 min barrelə düşüb. İl ərzində Venesuelada sutkalıq neft hasilatı isə 498 min barrel azalaraq 1 milyon 12 min barrelə enib.