Pandemiya dünyanın aparıcı şirkətlərinin borcunu 1 trilyon dollar artıracaq
Bakı, 13 iyul, AZƏRTAC
2020-ci ildə dünyanın aparıcı kompaniyalarının borcu koronavirus pandemiyası səbəbindən daha 1 trilyon dollar artacaq.
AZƏRTAC Reuters agentliyinə istinadla xəbər verir ki, bu barədə məlumat “Janus Henderson” analitik kompaniyasının tədqiqatında yer alıb.
Məlumata əsasən, dünyanın ən iri 900 kompaniyasının iş vəziyyətini əhatə edən qlobal korporativ borc 12 faiz artaraq demək olar ki, 9,3 trilyon dollara çatacaq. Hazırda borcların təxminən yarısı – 3,9 trilyon dolları ABŞ şirkətlərinin payına düşür. Bu göstərici üzrə reytinqdə amerikalıların ardınca Almaniya kompaniyaları gəlir – 762 milyard dollar. Təkcə “Volkswagen” konserninin borcu 192 milyard dollara çatıb.
Ötən il də bu göstərici üzrə 8 faizlik kəskin artım müşahidə edilmişdi. Lakin ekspertlərin sözlərinə görə, cari ildə bu sahədə vəziyyət çox mürəkkəbdir. Belə ki, koronavirus pandemiyası nəticəsində gəlirlər xeyli azalıb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır