Oxucular hazırladıqları videoçarxları kitabxanaya təqdim ediblər
Bakı, 11 iyul, AZƏRTAC
Koronavirus (COVID-19) pandemiyası ilə əlaqədar olaraq ölkəmizdə tətbiq edilən xüsusi karantin rejimində uşaqlar da #Evdəqal çağırışına dəstək olurlar. Onlar videoçarxlar hazırlamaqla, mütaliə etməklə, rəsm çəkməklə, mahnı oxumaqla, rəqs etməklə vaxtlarını səmərəli keçirdiklərini, pozitiv olduqlarını nümayiş etdirirlər.
Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin M.Ş.Vazeh adına Mərkəzi Kitabxanasının virtual oxucularının - Xırdalan şəhər 1 nömrəli tam orta məktəbin 3-cü sinif şagirdləri Akif və Qəmər Zeynalzadələrin və Nəsimi rayon Samir Hacıyev adına 5 nömrəli məktəbin 4-cü sinif şagirdi Aylin Hacıyevanın təqdim etdikləri videoçarxlar maraq doğurur.
Kitabxanadan AZƏRTAC-a bildirilib ki, videoçarxlarda məktəblilər ulu öndər Heydər Əliyevə və Azərbaycan Respublikasının dövlət atributlarından biri olan üçrəngli bayrağımıza həsr edilmiş şeirləri səsləndiriblər.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir