Əfqanıstan hökuməti “Taliban”ın daha 600-dək üzvünü həbsdən buraxacaq
Bakı, 9 iyun, AZƏRTAC
Əfqanıstan hökuməti sülh danışıqlarının başlaması üçün “Taliban” hərəkatının azad olunmasını tələb etdiyi üzvlərinin siyahısını yenidən nəzərdən keçirib.
AZƏRTAC Tolo News telekanalına istinadla xəbər verir ki, ölkə hökuməti həmin siyahıda olan 600-ə yaxın “Taliban” döyüşçüsünü azadlığa buraxmaq barədə qərar qəbul edib.
Rəsmi Kabil bundan öncə hərəkatın 592 üzvünün cinayət əməllərinə görə həbs olunduğunu əsas gətirərək onları azad etməkdən imtina etmişdi.
Qeyd edək ki, fevral ayının 29-da Doha şəhərində “Taliban” ilə ABŞ arasında sülh sazişi imzalanıb. Sazişə əsasən, “Taliban” hərəkatı və Əfqanıstandakı digər tərəflər arasında danışıqlar və atəşkəs rejimi başlanmalıdır. Danışıqlardan öncə etimadın möhkəmlənməsi üzrə tədbirlər qismində hərəkatın həbsdə olan 5 min üzvü və Əfqanıstan ordusunun taliblərin əsirliyində olan minə yaxın əməkdaşı azad edilməlidir.
Hazırda Əfqanıstan hakimiyyəti “Taliban” hərəkatının 4 mindən çox tərəfdarını, taliblər isə hökumət qüvvələrinin 737 hərbçisini əsirlikdən buraxıb. Hərəkat rəhbərləri sazişin şərtlərinə uyğun olaraq 5 min üzvünün azad olunmasını tələb edir.
Uşaqlıq və yeniyetməlik dövründə oturaq həyat tərzi damar sərtliyini artıra bilər
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
Parisdə Olimpiya Oyunlarının açılış mərasimi ləğv edilə bilər
XİN: Macarıstan terrorizmi hər zaman qınayacaq
“Crocus City Hall”dakı terror aktında şübhəli bilinən daha bir nəfər saxlanılıb