Prezidentin köməkçisi: İnvestisiya proqramlarının həyata keçirilməsində hər hansı bir gecikmə yoxdur
Bakı, 3 iyul, AZƏRTAC
Koronavirus pandemiyası investisiya proqramlarının həyata keçirilməsində hər hansı bir gecikməyə səbəb olmayıb.
AZƏRTAC xəbər verir ki, bu fikri Azərbaycan Respublikası Prezidentinin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Operativ Qərargahın iyulun 3-də keçirilən brifinqində deyib.
O bildirib ki, ilin əvvəlindən dövlət büdcəsinin gəlirləri tam, hətta profisitlə icra olunur. İşsizliyin qarşısının alınması üçün həyata keçirilən tədbirlər nəticəsində artım cüzidir. Ölkədə inflyasiya sabit qalır, investisiya proqramlarının həyata keçirilməsində hər hansı bir gecikmə yoxdur.
“Valyuta bazarında tam sabitlik bərqərar olunub. Neftin qiymətinin dəyişkənliyi bir qədər səngiyib və Azərbaycanın makroiqtisadi vəziyyətinə uyğun bir səviyyədə tarazlaşıb. Bu səbəbdən ehtiyatlarımızın azalması çox cüzidir. Pandemiya dövrü bitdikdən sonra bu resurslardan istifadə edərək qısa bir müddətdə əvvəlki sürətli inkişafa qayıda biləcəyik”, - deyə Ş.Mövsümov vurğulayıb.
İlin ilk üç ayında ARDNF-in aktivləri 2,3 faiz artıb
Energetika naziri: Bu il Azərbaycanda daha 5 günəş-külək stansiyasının inşasına başlanacaq
Çin mütəxəssisləri Türkmənbaşı limanının imkanları ilə tanış olublar
® “Bakcell”in baş icraçı direktoru Xankəndidə jurnalistlərlə görüşüb