Bakı, 24 iyun, AZƏRTAC
Paytaxtda 67 və 83 nömrəli müntəzəm marşrut xətlərinin hərəkət sxemi müvəqqəti olaraq dəyişdirilib.
Bakı Nəqliyyat Agentliyindən AZƏRTAC-a bildirilib ki, dünən axşamdan Y.Hüseynov küçəsi (Biləcəri qəsəbəsi) yolun üst örtüyünün yenilənməsi ilə bağlı 2 günlük təmirə bağlanıb. Bu səbəbdən 67 və 83 nömrəli müntəzəm marşrutlar üzrə istismar edilən avtobuslar müvəqqəti olaraq Natəvan küçəsi ilə hərəkət edir.