Buxarest, 5 iyun, AZƏRTAC

Rumıniyada koronavirusa yoluxanların sayı 20 min 103 nəfərə çatıb. AZƏRTAC Rumıniya Səhiyyə Nazirliyinə istinadən xəbər verir ki, son 24 saat ərzində 196 yeni yoluxma hadisəsi baş verib. Koronavirusdan ölənlərin sayı 1308 nəfərdir. Xəstəlikdən 14 min 145 nəfər sağalıb. İntensiv terapiyada 152 xəstə yerləşir, habelə 2395 nəfər karantindədir. Bundan başqa, 95 min 847 nəfər evində təcrid olunub. Ölkə üzrə 484 min 782 test həyata keçirilib.
Xatırladaq ki, Rumıniyada fövqəladə vəziyyət mayın 15-dən ləğv olunub. İyunun 1-dən isə restoranların açıq havada olan hissələrinin, çimərliklərin, açıq hava teatrlarının fəaliyyəti bərpa olunub.
İqbal Hacıyev
AZƏRTAC-ın xüsusi müxbiri
Buxarest