Bakı 31 may, AZƏRTAC
Aparılan təmir-tikinti işləri ilə əlaqədar Abşeron rayonu, Saray qəsəbəsi, Heydər Əliyev prospektində iyunun 1-i səhər saatlarından hərəkət qısa müddət ərzində məhdudlaşdırılacaq.
Bu barədə AZƏRTAC-a Avtomobil Yolları Dövlət Agentliyinin İctimaiyyətlə əlaqələr şöbəsindən məlumat verilib.
Sürücülərə öncədən hərəkət istiqamətlərinə uyğun alternativ yollardan istifadə etmələri tövsiyə olunur.