Qazaxıstanda karantin məhdudiyyətləri yumşaldılır
Nur-Sultan, 30 may, AZƏRTAC
Qazaxıstanda koronavirus infeksiyasının yayılmasının qarşısının alınması üzrə qurumlararası komissiya əhalinin və dövlət qurumlarının təkliflərini nəzərə alaraq, ölkədə məhdudlaşdırıcı tədbirlərin azaldılması üçün əlavə qərarlar qəbul edib.
AZƏRTAC xəbər verir ki, Qazaxıstanda bir sıra məktəbəqədər təhsil mərkəzləri iyunun 1-dən, kinoteatrlar iyunun 15-dən fəaliyyətini bərpa edəcək. İyunun 1-dən, həmçinin idman və mədəniyyət obyektlərinin işi (tamaşaçısız), əlavə təhsil təşkilatlarının (bir qrupda 15 nəfərdən çox olmayan), tədqiqat institutlarının və mərkəzlərinin fəaliyyəti bərpa olunacaq.
Qazaxıstan qurumlararası komissiya insanları profilaktik tədbirlərə (maskalar taxmaq, sosial məsafəni saxlamaq, təmasları azaltmaq) ciddi riayət etməyə çağırıb.
İlahə Əhmədova
AZƏRTAC-ın xüsusi müxbiri
Nur-Sultan
Haiti Fransadan milyardlarla ölçülən təzminat tələb edir
Niderland Ukraynaya hərbi yardım göstərmək üçün 200 milyon avrodan çox vəsait ayıracaq
“Bloomberg”: Almaniya yeni “Patriot” batareyaları almağı düşünür
Stoltenberq: NATO-nun müdafiə nazirləri Ukraynaya daha çox hərbi dəstək verməyə razılaşıblar
Gürcüstanda fəaliyyət göstərən QHT-lərin 90 faizi xaricdən maliyyələşir