Türkiyədə sabahdan etibarən normallaşma planının ikinci mərhələsi qüvvəyə minir
Ankara, 26 may, AZƏRTAC
Türkiyədə yeni növ koronavirusa (COVID-19) qarşı sistemli mübarizə tədbirləri çərçivəsində həyata keçirilən normallaşma planının ikinci mərhələsi sabahdan etibarən qüvvəyə minir.
AZƏRTAC xəbər verir ki, dörd gün əvvəl Türkiyədə tətbiq olunan növbəti komendant saatı rejimi mayın 27-də saat 00.00-da başa çatır. Bunun ardınca normallaşma planının ikinci mərhələsinin tətbiqinə başlanılır. Hökumət bəyan edib ki, normallaşma prosesi nəzarətli qaydada, sistemli şəkildə həyata keçiriləcək. Əhaliyə xəbərdarlıq olunub ki, tətbiq olunan qaydalara əməl olunmasa COVID-19 infeksiyasının ikinci dalğası baş verə bilər.
Qeyd edək ki, normallaşma prosesinin birinci mərhələsinə mayın 11-də start verilib. Ötən müddətdə nəzərdə tutulan proses normal qaydada başa çatıb. Ən son məlumata görə, ölkə daxilində dəmir yolu səfərlərinin mayın 28-dən, aviareyslərin isə iyunun 4-dən etibarən başlaması nəzərdə tutulur. İctimaiyyət aradan qaldırılan digər məhdudiyyətlərlə bağlı vaxtaşırı məlumatlandırılır.
Sabir Şahtaxtı
AZƏRTAC-ın xüsusi müxbiri
Ankara
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır