Biləcəri qəsəbəsi ilə hərəkət edən bəzi avtobusların hərəkət istiqaməti dəyişdirilib
Bakı, 20 may, AZƏRTAC
Biləcəri qəsəbəsi, Asəf Zeynallı küçəsində təmir-tikinti işlər ilə əlaqədar olaraq yolun bağlanması səbəbindən 91, 92 və 202 nömrəli marşrutların hərəkət istiqamətləri müvəqqəti olaraq dəyişdirilib.
Bakı Nəqliyyat Agentliyindən AZƏRTAC-a bildirilib ki, 91 nömrəli marşrut xəttinin istiqaməti Biləcəri qəsəbəsi daxili alternativ küçələrlə təşkil edilib. 92 nömrəli marşrut xəttinin istiqaməti Biləcəri enişi – Natavan küçəsi - Yəhya Hüseynov küçəsi (Biləcəri meydanı) – Bakı-Sumqayıt şosesi – Dairəvi küçə daha sonra öz xətti üzrə təşkil olunub. 202 nömrəli marşrut xəttinin isə son dayanacaq məntəqəsi Asəf Zeynallı küçəsi (Ağ saray şadlıq sarayı) təyin edilib.
AYNA taksi sürücüləri üçün təlimlərə başlayıb
Daha bir küçədə sürət həddi endirilib
“AzParking” mobil tətbiq istifadəçilərinin sayı artıb
ASCO üzrə bu ilin II rübündə təhvil verilən müxtəlif tullantıların həcmi açıqlanıb