Türkiyənin “A HABER” kanalı erməni cinayətlərini ifşa edən sənədli veriliş yayımlayıb
Ankara, 25 aprel, AZƏRTAC
Türkiyənin nüfuzlu “A HABER” televiziya kanalı erməni silahlı birləşmələrinin ötən əsrin əvvəllərində Anadolunun şərqində müsəlman-türk əhaliyə qarşı törətdikləri soyqırımından bəhs edən geniş veriliş yayımlayıb.
AZƏRTAC xəbər verir ki, şahid ifadələri, tarixi faktlar, arxiv sənədləri əsasında hazırlanan verilişdə erməni vandallarının amansız cinayətlərinin təfərrüatları tamaşaçılara çatdırılıb. Verilişdə, həmçinin türk əhalinin dəfn olunduğu kütləvi məzarlıqlardan çəkilən kadrlar nümayiş olunub.
Qeyd edək ki, arxiv sənədləri əsasında aparılan hesablamalar əsasında erməni silahlı birləşmələrinin ötən əsrin sonunda Anadoluda 500 mindən çox müsəlman-türk əhalini amansızcasına soyqırımına məruz qoyması təsdiqini tapıb.
Sabir Şahtaxtı
AZƏRTAC-ın xüsusi müxbiri
Ankara
Tariximizin qanlı səhifələrindən biri olan Başlıbel faciəsindən 31 il ötür
“Arab News” qəzeti azərbaycanlıların soyqırımı barədə məqalə dərc edib
Ağdaban faciəsindən 32 il ötür
31 Mart soyqırımının səbəbləri – tarixçi alim şərh edir
Soyqırımı qurbanlarının və şəhidlərimizin qanı yerdə qalmadı