Bakı, 9 aprel, AZƏRTAC

Çinin üç ən böyük operatoru “China Mobile”, “China Telecom” və “China Unicom” tərəfindən onlayn formatda keçirilmiş konfransda “5G” mesajlar standartı təqdim edilib.
AZƏRTAC “4pda.ru” saytına istinadən xəbər verir ki, yeni texnologiya SMS və MMS kimi köhnəlmiş standartları əvəz etmək üçün nəzərdə tutulur. 5G standart yalnız mətnlə deyil, həm də şəkil, audio, video, smaylik və kontaktlarla mübadilə etməyə imkan verir.
Aprelin 10-dan yeni texnologiyanın sınağına başlanılacaq. Onun kommersiya istismarı bu ilin iyununa planlaşdırılır.