London, 5 aprel, AZƏRTAC
Böyük Britaniyada 4 min məhkum vaxtından əvvəl azadlığa buraxılacaq.
AZƏRTAC xəbər verir ki, cəzalarının bitməsinə 2 ay və ya daha az qalan məhkumlar mərhələli olaraq müvəqqəti lisenziya ilə sərbəst buraxılacaqlar.
Lakin qərar zorakılıq və cinsi cinayətlərə görə məhkum olanlara şamil olunmayacaq.
Bu günə qədər cəmi 29 həbsxanada 88 məhbusda koronavirus aşkar edilib. Ədliyyə Nazirliyi məhkumlar arasında koronavirusun yayılmasına nəzarət etmək üçün bu addımın atıldığını açıqlayıb.
Aynurə Tağıyeva
AZƏRTAC-ın xüsusi müxbiri
London