Hacıqabul polisi yaşlı insanlara və aztəminatlı ailələrə ərzaq yardımı edib
Hacıqabul, 4 aprel, Mahir Babayev, AZƏRTAC
Koronavirus pandemiyası ilə mübarizə məqsədi ilə Nazirlər Kabineti yanında yaradılan Operativ Qərargahın göstərişi əsasında gücləndirilmiş iş rejimində fəaliyyət göstərən polis əməkdaşları, eyni zamanda, fəaliyyət göstərdikləri ərazilərdə vətəndaşlara humanitar yardımlar da edirlər.
AZƏRTAC-ın bölgə müxbiri xəbər verir ki, Hacıqabul Rayon Polis Şöbəsinin əməkdaşları “Evdə qal!” kampaniyasına qoşularaq karantin rejimi zamanı daxili imkanlar hesabına aztəminatlı ailələrə və tənha yaşayan yaşlı insanlara ərzaq yardımı göstəriblər.
Aksiya zamanı imkansız ailələrə ərzaq yardımı göstərilməklə yanaşı, onlarla profilaktiki söhbətlər aparılıb.
Qeyd edilib ki, görülən karantin tədbirləri dövlətimiz tərəfindən atılan məcburi addımlar olsa da, bu, vətəndaşlar arasında koronavirus pandemiyasının geniş yayılmasının qarşısının alınması məqsədi daşıyır.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib