İtaliyada peşəkar velosipedçi könüllü kuryerlik edir
Roma, 3 aprel, AZƏRTAC
İtaliyanın “Astana” klubunun üzvü, məşhur velosipedçi David Martinelli koronavirusla bağlı evdə oturmağa məcbur olan yaşlılara kömək məqsədilə kuryerlik etməyə başlayıb.
AZƏRTAC xəbər verir ki, peşəkar idmançı velosipedlə yaşlılara təmənnasız olaraq yemək, ərzaq və dərman çatdırır. O, bu barədə şəxsi “Instagram” səhifəsində yazıb. Qeyd edib ki, bu işi könüllü olaraq yerinə yetirir.
Martinelli İtaliyanın şimalındakı 1500 nəfər əhalisi olan doğma Lodetto qəsəbəsindəki yaşlılara kömək edir. Sözügedən qəsəbədə aptek və ərzaq mağazaları yoxdur. İdmançı vurğulayıb ki, onun bütün uğurlarında bu qəsəbə sakinlərinin rolu böyükdür və bu yolla o, borcundan çıxır.
Aygün Əliyeva
AZƏRTAC-ın xüsusi müxbiri
Roma
“Sony” və “Apollo” kompaniyaları “Paramount” şirkətini satın almaq niyyətindədir
Rusiyanın qəzaya uğrayan hərbi təyyarəsinin pilotlarından biri həlak olub
Şri-Lanka Rusiyaya çay ixracını 14 faiz artırıb
NASA süni intellekt sayəsində iqlim dəyişikliyi ilə mübarizəyə töhfə verəcək
Sudanda 390-dan çox insan vəba və “denge” qızdırmasından ölüb