Qələbənin 75 illiyinin bayram edilməsinə dair yekun qərar qəbul olunmayıb
Bakı, 2 aprel, AZƏRTAC
Qələbənin 75 illiyi ilə bağlı bayram tədbirlərinin keçirilməsinə dair yekun qərar qəbul olunmayıb.
AZƏRTAC TASS informasiya agentliyinə istinadla xəbər verir ki, bunu RF Prezidentinin mətbuat katibi Dmitri Peskov bildirib. Onun sözlərinə görə, Kreml bütün vəziyyəti diqqətlə götür-qoy edir. "Təbii ki, ən müxtəlif variantlar müzakirə olunur, amma heç bir qərar qəbul olunmayıb", - Peskov jurnalistlərin Qələbə paradının alternativ ssenarilərinin müzakirəsi barədə sualını cavablandırarkən belə deyib. O qeyd edib ki, vəziyyət öz şərtlərini diktə edir. 9 Mayla bağlı qərar qəbul etmək üçün bu şərtlər diqqətlə öyrənilir, təhlil olunur. Hələlik tədbirlərin planlaşdırıldığı şəkildə keçirilməsi barədə hər hansı qərara gəlinməyib.
Böyük Vətən müharibəsində Qələbənin 75 illiyi şərəfinə parad bu il mayın 9-da Moskvada keçirilməlidir. Bayram tədbirlərində iştirak etmək üçün bir çox dövlət və hökumət başçılarına dəvətnamələr göndərilib.
Rusiya Müdafiə Nazirliyindən KİV-ə verilən məlumata görə, parada hazırlıqlar plan üzrə davam edir. Aprelin 1-də növbəti məşq keçirilib.
Türkiyə 10 illik fasilədən sonra Liviyaya uçuşları bərpa edib
Uşaqlıq və yeniyetməlik dövründə oturaq həyat tərzi damar sərtliyini artıra bilər
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb
Parisdə Olimpiya Oyunlarının açılış mərasimi ləğv edilə bilər