İrandan Türkiyəyə təbii qaz nəqli yaxın müddətdə bərpa edilə bilər
Tehran, 1 aprel, AZƏRTAC
İrandan Türkiyəyə təbii qaz nəqli yaxın müddətdə bərpa edilə bilər.
AZƏRTAC xəbər verir ki, İranın Milli Qaz Şirkətinin dispetçer şöbəsinin müdiri Mehdi Cəmşidi dünən səhər saatlarında İran ilə Türkiyə arasındakı qaz kəmərində partlayış baş verdiyini və dərhal Türkiyə tərəfinin məlumatlandırıldığını deyib. Onun sözlərinə görə, partlayış səbəbindən Türkiyəyə qaz ixracı müvəqqəti dayandırılıb.
M.Cəmşidi bildirib ki, əvvəllər də İran ilə Türkiyə arasındakı qaz kəmərinin bu hissəsində terror aksiyaları törədilib. Kəmər 3-4 gün ərzində bərpa edilərək istifadəyə verilir.
O bir mütəxəssis kimi qeyd edib ki, kəmərin keçdiyi ərazi seysmik baxımdan sabitdir, ona görə də kəmərin təbii proseslər nəticəsində partlaması istisna edilir. Buna görə də terror aktı istisna deyil.
Qeyd edək ki, PKK terror təşkilatı İrandan Türkiyəyə gedən neft və qaz kəmərlərini dəfələrlə partladıb.
Rabil Kətanov
AZƏRTAC-ın xüsusi müxbiri
Tehran
Haiti Fransadan milyardlarla ölçülən təzminat tələb edir
Niderland Ukraynaya hərbi yardım göstərmək üçün 200 milyon avrodan çox vəsait ayıracaq
“Bloomberg”: Almaniya yeni “Patriot” batareyaları almağı düşünür
Stoltenberq: NATO-nun müdafiə nazirləri Ukraynaya daha çox hərbi dəstək verməyə razılaşıblar
Gürcüstanda fəaliyyət göstərən QHT-lərin 90 faizi xaricdən maliyyələşir