Səudiyyə Ərəbistanı dindarları Həcc və Ümrə ziyarətləri ilə bağlı planlarını təxirə salmağa çağırıb
Qahirə, 1 aprel, AZƏRTAC
Səudiyyə Ərəbistanının Həcc və Ümrə naziri Məhəmməd Saleh bin Tahir Benten jurnalistlərə müsahibəsində bütün dünyadan olan müsəlmanları koronavirus pandemiyası ilə əlaqədar səbirli olmağa, Həcc və Ümrə ziyarətləri ilə bağlı planlarını təxirə salmağa çağırıb.
AZƏRTAC xəbər verir ki, səudiyyəli nazir ölkəsinin zəvvarları həmişə qonaqpərvərliklə qarşılamağa hazır olduğunu qeyd edərək, eyni zamanda, Həcc ziyarətinə gələn hər kəsin sağlamlığına cavabdeh olduqlarını əlavə edib.
“Səudiyyə Ərəbistanı hazırda ölkədə olan 1200 zəvvara qayğı göstərir. Bununla yanaşı, koronavirus pandemiyası ilə mübarizə çərçivəsində Məkkə və Mədinədə olan iki müqəddəs məscidə ziyarəti qadağan edib. Hazırda həmin məscidlərin ətrafında təhlükəsizlik və dezinfeksiya tədbirləri görür. Həmçinin Məkkədə Ümrə ziyarətinə və Mədinədə Peyğəmbər məscidinə getmək qadağan olunub. Biz Məkkəyə gələn, lakin Ümrə ziyarətini yerinə yetirə bilməyən müsəlmanların pullarını qaytarmışıq”, - deyə Benten “Əl-Əxbariyyah” telekanalına müsahibəsində vurğulayıb.
Oqtay Bayramov
AZƏRTAC-ın xüsusi müxbiri
Qahirə
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır