Bakı, 16 mart, AZƏRTAC 

Şəmkir rayonunda ölümlə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Şəmkir rayonunun Əliyaqublu kəndi ərazisində yolu keçən kənd sakini 9 yaşlı Elmar Nağıyev Qazax rayon sakini P.Rəhimovun idarə etdiyi “Mercedes” markalı avtomobillə vurulub. Xəsarətlə xəstəxanaya yerləşdirilmiş azyaşlı orada ölüb.
Hadisə ilə bağlı Baş İstintaq və Təhqiqat İdarəsi tərəfindən araşdırma aparılır.