Bakı, 16 mart, AZƏRTAC 

Səbail rayonunda ölümlə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, martın 16-da saat 1 radələrində Səbail rayonunun A.M.Ələkbər küçəsində yolu keçən 50-55 yaşlı kişi İmişli rayon sakini R.Sadıqovun idarə etdiyi “Shacman” markalı avtomobillə vurulub. Həmin şəxs aldığı xəsarətlərdən hadisə yerində ölüb.
Hadisə ilə bağlı Səbail Rayon Polis İdarəsi tərəfindən araşdırma aparılır.