Bakı, 13 mart, AZƏRTAC 

Martın 12-də Masallı şəhəri ərazisindəki mağazalardan birində bir nəfər orada işləyən Rəşad Qasımova balta ilə xəsarət yetirib quldurluq yolu ilə kassadakı 11.700 manat pulu aparıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, quldurluq etməkdə şübhəli bilinən Musaküçə kənd sakini R.Şahverdiyev Masallı Rayon Polis Şöbəsi əməkdaşlarının keçirdikləri əməliyyat tədbirləri nəticəsində saxlanılıb.
Hadisə ilə bağlı rayon polis şöbəsi tərəfindən araşdırma aparılır.