Ankarada Xocalı soyqırımına həsr olunan konfrans keçirilib VİDEO
Ankara, 2 mart, AZƏRTAC
Ankarada Xocalı həftəsi çərçivəsində Jurnalistlər Cəmiyyəti tərəfindən konfrans təşkil olunub.
AZƏRTAC xəbər verir ki, əvvəlcə şəhidlərimizin əziz xatirəsi bir dəqiqəlik sükutla yad olunub, sonra Azərbaycan və Türkiyənin dövlət himnləri səsləndirilib.
Konfransda çıxış edən Türkiyə-Azərbaycan Dostluq, Əməkdaşlıq və Həmrəylik Fondunun sədri, professor Aygün Əttar 28 il əvvəl Xocalıda baş verənləri ermənilərin ötən əsrin əvvələrindən başlayaraq Türkiyə və Azərbaycan ərazisində həyata keçirdikləri soyqırımı siyasətinin bir hissəsi kimi qiymətləndirib.
Diqqətə çatdırıb ki, ermənilərin zaman-zaman xalqlarımıza qarşı törətdikləri amansız cinayətləri özləri etiraf ediblər. Lakin təəssüf ki, beynəlxalq ictimaiyyət bu cinayətlərə münasibət bildirmir.
O, çıxışının sonunda “Xocalıya ədalət!”, “Azərbaycan Qarabağdır!” şüarları səsləndirib.
Konfrans çərçivəsində Xocalı soyqırımının dəhşətlərini əks etdirən fotosərgi təşkil olunub.
Sabir Şahtaxtı
AZƏRTAC-ın xüsusi müxbiri
Ankara
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO