Xocalı soyqırımına dair əsərləri daşıyan sərgi qatarı Qarsa doğru hərəkətə başlayıb
Ankara, 28 fevral, AZƏRTAC
Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq məlumatlandırma kampaniyası çərçivəsində Türkiyədə “Qara qatar səslənir, Qarabağda talan var, Xocalıda soyqırımı!” adlı hərəkətdə olan rəsm sərgisi fəaliyyətə başlayıb.
AZƏRTAC xəbər verir ki, Ankara-Qars sərnişin qatarına Xocalı soyqırımının dəhşətlərini əks etdirən rəsm əsərlərindən ibarət sərgi qurulan əlavə vaqon qoşulub.
Belə bir sərgi ilk dəfə olaraq Azərbaycanın Türkiyədəki səfirliyi, Ankarada fəaliyyət göstərən Qazi Universiteti və Türkiyə Dövlət Dəmir Yollarının birgə layihəsi əsasında keçirilir.
Qatarın yola salınmasında Azərbaycanın Ankaradakı səfiri Xəzər İbrahim, Türkiyə-Azərbaycan parlamentlərarası dostluq qrupunun rəhbəri Şamil Ayrım, bu qrupun sabiq rəhbəri Necdet Ünüvar və digər rəsmi şəxslər iştirak ediblər. Yolasalmada böyük bir izdiham yaşanıb.
Məlumat verilib ki, həm qatarın sərnişinləri, həm də sərgini daşıyan vaqonun dayandığı stansiyalarda insanlar Xocalı soyqırımı və Qarabağ həqiqətlərinə aid tablolarla tanış olmaq imkanı əldə edəcəklər.
Qeyd edək ki, sərgi qatar keçəcəyi Kayseri, Ərzurum, Ərzincan və Sarıqamış dəmir yolu stansiyalarında da nümayiş olunacaq. Sərgi qatarı martın 4-də Qars şəhərinə çatacaq.
Sabir Şahtaxtı
AZƏRTAC-ın xüsusi müxbiri
Ankara
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO